مەودا میدیا-

سه‌رۆكی ده‌سته‌ی ده‌ستپاكی عیراق لەبارەی هەوڵەکانیان بۆ رووبەڕووبوونەوەی گەندەڵی بردنەدەرەوەی پارەی قاچاخ پەیامێکی بڵاوکردەوەو جەخت لە بەردەوامی لێكۆڵینه‌وه‌کان دەکاتەوە.

محەمەد عەلی لامی، سەرۆكی دەستەی دەسپاكی عیراق رایگەیاند "حكومەت هەوڵی جددی داوە بۆ نەهێشتنی گەندەڵی و گەڕاندنەوەی ئەو پارانەی بە نایاسایی براونەتە دەرەوەی وڵات".

ئاماژەی بۆ ئەوەشکرد "ساڵی رابردوو سەرکەوتووبوون لە وەرگرتنەوەی زیاتر لە نیو ملیار دۆلار پارەی قاچاخ له‌ گه‌نده‌ڵكاران و گه‌ڕانه‌وه‌ی بۆ خه‌زێنه‌ی ده‌وڵه‌ت، هەنگاوەکانی  بەرەنگاربوونەوەی گەندەڵکاران بەباشی بەڕێودەچن".

ئەوەشی خستەڕوو "حکومەت پاداشتی تایبه‌تی بۆ ئه‌و كه‌سانه‌ داناوه‌ كه‌ ناوی كه‌سانی گه‌نده‌ڵ بۆ داموده‌زگا ئه‌منییه‌كان ئاشكرا ده‌كه‌ن له‌گه‌ڵ پاراستنی ناوه‌كانیان و ژیانی تایبه‌تییان".

ب ح