مەودا میدیا-

بە ئامانجگرتنی کۆڵبەرانی کورد لەلایەن هێزە سنوورییەکانی ئێرانەوە بەردەوامە و دوێنێ کۆڵبەرێکی خەڵکی مەریوان لە کاتی کۆڵبەریدا و لە ناوچەی دوپلۆرە گیانی لەدەستدا.

کۆڵبەرنیوز بڵاویکردەوە " ڕۆژی رابردوو کۆڵبەرێکی کورد بە ناوی (ئارمان عەلیزادە) تەمەنی 24 ساڵەو خەڵکی گوندی گۆگجە سەر بە شاری مەریوانە لە رۆژهەڵاتی کوردستان".

ئاماژەی بۆ ئەوەشکرد "کۆڵبەرەکە خێزاندارە و باوکی دوو منداڵە و  لەکاتی کۆڵبەریدا  لە گوندی دووپلوورەی سەرشیوو لە سنووری شاری مەریوان بە تەقەی راستەوخۆی هێزە چەکدارەکانی ئێران کوژراوە".

ئەمە لە کاتێکدایە، ساڵی رابردوو لە رۆژهەڵاتی کوردستان 52 کۆڵبەری کورد کوژراون و 131 کۆڵبەری تریش برینداربوون.


ب ح