مەودا میدیا-

ئەمڕۆ شەممە، نرخی نەوت دوای چوار رۆژی لەسەر یەكی دابەزین، كەمێك نرخەكەی لە بازاڕی بۆرسە بەرزبووەوە.

ئاژانسی رۆیتەرز بڵاویكردەوە "نرخی نەوتی برێنت لە بازاڕی بۆرسە بۆ یەك بەرمیل 26 سەنت بەرزبووەتەوە و ئێستا بەرمیلێك نەوت بە 28 دۆلار و 8 سەنتە".

هەروەها "نەوتی جۆری خاوی ئەمریكی بۆ یەك بەرمیل 18 دۆلار و 27 سەنتە لە بازاڕی بۆرسە".

بەرزبوونەوەی نرخی نەوت كاریگەری راستەوخۆی دەبێت لەسەر ئابوری عیراق و هەرێمی كوردستان بەهۆی ئەوەی بۆ دابەشكردنی مووچە پشت بە داهاتی نەوت دەبەستن.