مه‌ودا میدیا-

پارتى له‌ پێناو به‌ده‌ستهێنانى زۆرینه‌ى پۆسته‌ سیاده‌كان كه‌ خۆیان له‌ سه‌رۆكى هه‌رێم و سه‌رۆكى حكومه‌ت و چه‌ند پۆستێكى ترى ئه‌منى و وه‌زارى ده‌بینێته‌وه‌، به‌رده‌وامه‌ له‌دواخستنى پێكهێنانى كابینه‌ى ده‌یه‌م.

به‌پێى زانیارییه‌كانى مه‌ودا میدیا "هه‌رچه‌ند بڕیار بووه‌ كابینه‌ى ده‌یه‌مى حكومه‌ت دوو هه‌فته‌ له‌دواى جه‌ژنى ره‌مه‌زان پێكبهێنرێت و رابگه‌یه‌ندرێت، به‌ڵام پارتى په‌شیمان بووه‌ته‌وه‌ و پێداگربووه‌ له‌وه‌ى ده‌بێت زۆرینه‌ى پۆسته‌ گرنگ و سیادییه‌كان له‌ده‌ستى خۆى بێت".

پارتى دیموكراتى كوردستان به‌هه‌مان شێوه‌ى رابردوو به‌نیازه‌ سه‌رجه‌م پۆسته‌ گرنگه‌كان لاى خۆیبن و خۆى بڕیار به‌ده‌ستبێت، ئه‌مه‌ش بووه‌ته‌ هۆكارى دواخستنى پێكهێنانى حكومه‌ت، چونكه‌ وه‌فدى یه‌كێتیی نیشتمانیی كوردستان به‌ روونى به‌ شاندى پارتى وتووه‌، له‌ كابینه‌ى ده‌ به‌شدارده‌بین له‌ بڕیاردان، واته‌ به‌شێكى گرنگى پۆسته‌كان لاى یه‌كێتى بن".

له‌ رۆژى 10ى تشرینى یه‌كه‌مى ساڵى رابردوو، هه‌ڵبژاردنى په‌رله‌مانى كوردستان به‌ڕێوه‌چوو، دواى نزیكه‌ى حه‌وت مانگ تا ئێستا كابینه‌ى نوێى حكومه‌ت پێكنه‌هێنراوه‌.

ع