مەودا میدیا-

ئەمڕۆ چوارشەممە، هەر یەكە لە پارێزگاری سلێمانی و سەرۆكی ئەنجومەنی پارێزگای سلێمانی قائیمقام و بەڕێوەبەری گشتی تەندروستی كۆبوونەوە بۆ دانانی پلانی نوێ بۆ قۆناغی داهاتوو له شارەكه.

لە دیوانی پارێزگا بەسەرپەرشتی هەڤاڵ ئەبوبەکر، پارێزگاری سلێمانی، بە ئامادەبوونی ئازاد حەمەئەمین، سەرۆکی ئەنجومەنی پارێزگای سلێمانی و ئاوات محەمەد، قائیمقامی قەزای مەڵبەندی سلێمانی و سەباح هەورامی، بەڕێوەبەری گشتی تەندروستی سلێمانی، بە مەبەستی گەڵاڵەکردنی پێشنیازەکان بۆ قۆناغی داهاتوو کۆبوونەتەوە.

لە کۆبوونەوەکەدا میکانیزم و رێکاری پێویست، پەیوەست بە پاراستنی تەندروستیی و دەرفەتەکانی ژیان و کەسابەتی هاوڵاتیان و چاودێریکردنی وردی بوارە جیاجیاکان و توندترکردنی رێکارەکان لەبەرامبەر هەر سەرپێچی و سەرکەشییەکدا، دیاریکران.