مەودا میدیا

شارەزایەکی بواری ئابووری و دراوە ئەلیکترۆنییەکان ئاشکرایکرد لێدوانەکانی سەرۆکی ئەمەریکا کاریگەریی لەسەر دۆخی ناجێگیری دراوە دیجیتاڵییەکان هەیە و ئامۆژگاریی گەنجان دەکات خۆیان لە چەند مامەڵەیەک بەدووربگرن.

جەبار گۆران، وتەبێژ و ئەنجومەنی بازاڕەکانی دراو لە سلێمانی بە مەودا میدیای راگەیاند "دۆناڵد ترەمپ جیاواز لە سەرۆکەکانی پێشووی ئەمەریکا کاراکتەرێکی بازرگانییە و سیاسەتێکی روونی هەیە و ئامانجی ئەوەیە زۆرترین سوود و قازانجی دارایی بە وڵاتەکەی بگەیەنێت".

ئاماژەی بۆ ئەوەشکرد "بەشداریکردنی گەنجان لە بازاڕی دراوە دیجیتاڵییەکان پەیوەستە بە نەبوونی دەرفەتی کار لە هەرێمی کوردستان، ئەمەش مەترسی زۆرە و کاتێک گەنجێک مامەڵەی دراو یان زێڕ و زیو دەکات لە فۆڕێکس رەنگە لە ماوەیەکی کەمدا سەرمایەکەی بسووتێنێت".

ئەوەشی خستەڕوو "مامەڵەکردن لە بازاڕی دراوە دیجیتیاڵییەکان پێویستی بە شارەزایەکی تەواو هەیە و ئامۆژگاری گەنجان دەکات سوود لە کەسانی بە ئەزموون وەربگرن و راوێژیان پێبکەن، تاوەکو دووربن لە زیان و مایەپووچ بوون".

ب ح