مەودا میدیا-

روانگەی سوری بۆ مافەکانی مرۆڤ رایگەیاندووە ھاوپەیمانی نێودەوڵەتی زیاتر لە 100 بارھەلگری دیكە ھاوكاری سەربازیی گەیاندە دەست هێزەکانی سوریای دیموکرات "ھەسەدە".

روانگەی سووی بۆ مافەكانی مرۆڤ رایگەیاند "هاوپەیمانی نێودەوڵەتی زیاتر لە 100 بارھەڵگر هاوکاری بۆ هێزەکانی سوریای دیموکرات "هەسەدە" ناردووە لە رێگەی دەرگای سنووری وەلیدی ھاوسنوور لەگەڵ ھەرێمی كوردستان".

روانگەی سوری ئەوەشی خستووەتە روو "بەشێك لەو ھاوكارییانە لە بنكەی ھیمۆ، بەشێكی دیكەشی لە ناوچەكانی حەسەكە و دێرزوور بڵاوكراونەتەوە".

سەبارەت بە جۆری هاوکارییەکان روانگەی سوری ئەوەشی ئاشکرا کردووە "ھاوكارییەكان پێكدێن لە زریپۆش، ئۆتۆمبێلی سەربازی، لەگەڵ چەك و تەقەمەنی".