مەودا میدیا-

سەرۆكی رێكخراوی تەندروستیی جیهانی رایدەگەیەنێت، هیچ وادەیەك نییە بۆ كۆتایی هاتنی ڤایرۆسی كۆرۆناو داواشی لە هاوڵاتیان كرد پابەندی مەرج و رێنماییە خۆپارێزییەكان بن.

تێدرۆس ئەدهانۆم، سەرۆكی رێكخراوی تەندروستیی جیهانی لە كۆنگرەیەكی رۆژنامەنوسیدا رایگەیاند "لە راستیدا هیچ وادەیەك نییە بۆ كۆتایی هاتنی ڤایرۆسی كۆرۆنا، ئەوەی گرنگە پێویستە هاوڵاتیان پابەندی مەرج و رێنماییە خۆپارێزییەكان بن".

باسی لەوەشكرد "لە بەردەماندا رێگەیەكی دورودرێژو كارێكی زۆر هەیە هەوڵدەدەین كۆتایی بەوە بهێنین".

ئەوەش لە كاتێكدا لە ماوەی سێ رۆژی رابردوو زۆرترین تووشبوو لە عیراق تۆماركراوە و لە هەرێمی كوردستانیش تەنیا دوێنێ هەشت كەس تووشی كۆرۆنا بوون لە هەولێر پێنج كەس و لە سلێمانی سێ كەس.