مەودا میدیا-

شارەزایەکی بواری کەشناسی ئاشکرایکرد بەپێی سه نتەری جفسی ئەمەریکی لەماوەی ئەو شەپۆلە بەهێزەی کۆتایی هەفتەی یەکەمی ئەم مانگە و بە تایبەت لە 12/7، تاوەکو نزیک ناوەڕاستی مانگ 200 ملم باران لە هەندێک شوێن دەبارێت.

شاڵاو هیدایەت، شارەزای بواری کوشناسی رایگەیاند "بەپێی دواین گۆڕانکارییەکان شەپۆلێکی سەرتاسەری تەواوی ناوچەکانی هەرێمی کوردستان دەگرێتەوە لافاوی بەرفراوانی پێوەیه و پەڵەی لە تەواوی ئەو ناوچانەش دەدات کە تائێستا نەیداوە".

ئاماژەی بۆ ئەوەشکرد "بەگشتیی ئەم شەپۆلە حاڵەتێکی ناجێگیری کەشە و لەئێستاوە ئەستەمە بتوانرێت بەپلەی یەک کاریگەرییەکانی لەسەر کوێ دەبێت و وەیان بڕەکەی چەندە بۆ ناوچەکان دیاری بکرێت مەگەر تاوەکو یەک دوو کاتژمێت پێش هاتنی یان کاتی هاتنی شەپۆلەکە".

ب ح