مەودا میدیا-

وه‌زیری ده‌ره‌وه‌ی ئه‌مه‌ریكا رایدەگەیەنێت سه‌ركرده‌ عێراقییه‌كان له‌سه‌ریان پێویسته‌ سیستمی پشكپشكێنه‌ به‌لاوه‌ بنێن ئاماژەی بەوەشکرد بەوردی چاودێری پێکهێنانی حکومەتی نوێی عیراق دەکەین.

مایک پۆمپیۆ، وەزیری دەرەوەی ئەمریکا لە کۆنگرەیەکی رۆژنامەوانیدا رایگەیاند "داوا له‌ حكومه‌تی عێراق ده‌كه‌ین، داوای گه‌لی عێراق جێبه‌جێ بكات".

پۆمپیۆ ئاماژەی بەوەشکرد "بەوردی چاودێری پێکهێنانی حکومەتی نوێی عیراق دەکەین، هەروەها سه‌ركرده‌ عێراقییه‌كان له‌سه‌ریان پێویسته‌ سیستمی پشكپشكێنه‌ به‌لاوه‌ بنێن و له‌ په‌یوه‌ندیدا بن بۆ چاره‌سه‌ركردنی پرسی پێكهێنانی كابینه‌ی نوێی حكومه‌تی عیراق".

وەزیری دەرەوەی ئەمریکا  ئەوەشی خستەڕوو "پێویسته‌ گرووپ و میلیشیا چه‌كدارییه‌كان له‌ ژێر كۆنترۆڵی حكومه‌تی عیراقدا بن".