مەودا میدیا-

ئەمڕۆ پێنجشەممە، نرخی نەوت بەرزبوونەوەی گەورەی تۆماركرد و هۆكارەكەشی بۆ ئەوە دەگەڕێتەوە خواستێكی زۆری لەسەرە.

ئاژانسی رۆیتەرز بڵاویكردەوە "بەیانی ئەمڕۆ پێنجشەممە، 30ی نیسان، نرخی یەك بەرمیل نەوتی برێنت بۆ 25 دۆلار و 38 سەنت بەرزبووەتەوە".

هەروەها "نەوتی خاوی ئەمریكی ئەویش بەرزبووەتەوە و یەك بەرمیل بە 17 دۆلار و 75 سەنتە".

ئاژانسەكە باسی لەوەشكردووە "هۆكاری بەرزبوونەوەی نەوت بۆ زۆری خواست دەگەڕێتەوە و بڕیاریشە سبەینێ هەینی بڕیارەكەی وڵاتانی ئۆپێك بۆ كەمكردنەوەی بەرهەمهێنانی رۆژانە دەست پێبكات كە پێشتر رێككەوتنی لەسەركراوە و رۆژانە نزیكەی 20 ملیۆن بەرمیل كەمدەكرێتەوە".

لەگەڵ بەرزبوونەوەی نرخی نەوت كۆتایی بە كێشەی دابەشكردنی مووچە دێت بە تایبەتی لە هەرێمی كوردستان بەهۆی ئەوەی بۆ دابەشكردنی نەوت پشت بە داهاتی نەوت دەبەسترێت.

بەپێی ئاژانسەكە لە سبەینێوە قۆناغێكی نوێی بەرزبوونەوەی نرخی نەوت دەستپێدەكات و پێشبینی دەكرێت نرخەكە بەخێرایی بەرزبێتەوە.