سەرەتا دەمەوێت بڵێم بەرلەوەی باس لە پرۆسەی پەروەردە بکەین، دەبێت باس لە تێگەیشتن لە پێداویستی قۆناغەکانی تەمەنی منداڵان بکەینەوە، کە هەر قۆناغە و جۆریک و شێوازێکی پێویستە، چونکە بەپێی بیردۆزەی (ئەریکسۆن)، مرۆڤ هەموو هەڵچوون و کێشە کەسییەکانی کە لە ژیانیدا روو دەدەن، دەگەڕێتەوە بۆ تەمەنی پێشوەخت، چونکە زاناکان کۆکن لەسەر ئەوەی دەروونی منداڵ لە پێنج ساڵی یەکەمی جێگیر دەبێت، لەبەرئەوەی لەو پێنچ ساڵەدا کەسایەتی دروست دەبێت ‌و دەرئەنجام بەرهەمەکەی دەچنێتەوە. بۆیە پێویستییەکانی منداڵان لە تەمەنی شەش ساڵی یەکەمدا دەتوانین بەم شێوەیە دابنێن:

گرنگی پێدان و باوەش گرتنی تەنانەت ئەو کاتەی کە خەوتوشە، لە ساڵی یەکەمی تەمەنیدا پێویستیەتی، چونکە دایک میحوەری یەکەمیەتی لەو تەمەنەیدا، بۆیە جەختکردنەوە لەسەر تێگەیشتن لە پێداویستییەکانی منداڵ بەپێی قۆناغەکانی تەمەنی.