مەودا میدیا-

ئەگەرچی بڕیاری راگرتنی قەدەغەی هاتووچۆ دراوە، بەڵام لە مەرزەكانی سنوری پارێزگای سلێمانی شۆفێری تانكەرە ئێرانییەکان دێنە ناوەوەو مەترسیان دروستكردووە.

محەمەد شێخ وەهاب، ئەندامی لیژنەی سوتەمەنی لە ئەنجومەنی پارێزگای سلێمانی نوسیویەتی "هەرچەندە بڕیاری قەدەغەی هاتووچۆ دەرچووە، بەڵام شۆفێری تانكەرە ئێرانییەكان لە مەرزەكانەوە دێنە ناوەوە و سوتەمەنی بۆ ناو شاری سلێمانی دەگوازنەوە".

ئەوەشی خستەڕوو "پێویستە هەرچی زووە داواكاری گشتی و وەزارەتی ناوخۆ و لیژنەی بەرەنگاربوونەوەی كۆرۆنا لە سلێمانی بێنە سەر خەت و رێگری لەو كارەساتە بکەن، كە یەكێكە لە هۆكارەكانی بڵاوبوونەوەی نەخۆشی كۆرۆنا".

وتیشی "بە وتەی شۆفێری تانكەرەكان، بۆ هەر هاتنە ناوەوەیەك لە مەرزەكانەوە بڕی 200 دۆلاریان لێ وەردەگیرێت".