مەودا میدیا-

به‌رپرسی ناوه‌ندی كاری پیشه‌یی و بازرگانه‌كان له‌ وه‌زاره‌تی بازرگانی و پیشه‌سازی ئێران رایدەگەیەنێت به‌هۆی ناله‌باربوونی دۆخی ته‌ندروستی هه‌ندێك له‌ پارێزگانی ئێران بڕیاریاندا بە قەدەغەکردنی هەناردەکردنی دەمامک.

جه‌مشید گوڵپوور، به‌رپرسی ناوه‌ندی كاری پیشه‌یی و بازرگانه‌كان له‌ وه‌زاره‌تی بازرگانی و پیشه‌سازی ئێران بە میدیاکانی وڵاتەکەی راگەیاندووە‌ "به‌ له‌به‌رچاوگرتنی دۆخی ناله‌باری ته‌ندروستی هه‌ندێك له‌ پارێزگاكان و  رێگریكردن له‌ ته‌شه‌نه‌كردنی په‌تای كۆرۆنا بڕماریداوه‌ كه‌ هه‌نارده‌كردنی ده‌مامك قه‌ده‌غه‌ بکەن".

ئەوەشی ئاشکرا کردووە "حكومه‌ت پشتیوانی له‌به‌رهه‌مهێنه‌رانی ده‌مامك ده‌كات و هاوكاتیش چاودێری چۆنێتی به‌رهه‌مهێنانه‌كان و نرخی فرۆشتنەکەی ده‌كات".