مەودا میدیا-

بەڕێوبەرایەتی ھاتووچۆی ھەولێر شوفێران ئاگادار دەكاتەوە كە رێگای دەربەندی گۆمەسپان - سەفین ھیران بەکارنەهێنن بۆ هاتووچۆ، چونکە بەھۆی بەفر بارینەوە مەترسیدار بووە.

بەڕێوەبەرایەتی ھاتووچۆی ھەولێر لە راگەیاندراوێکدا  بڵاویکردەوە "ئاگاداری سەرجەم شوفێران و هالاریان دەکەینەوە کەوا رێگای دەربەندی گۆمەسپان سەفین هیران، بەهۆی دابارینی بەفری زۆرەوە گیراوە و بەهۆی نزمبوونەوەی پلەکانی گەرماش بۆ ژێر سفر بەفرەکە لەسەر رێگاکە رەق بووە و مەترسیدار بووە".

ئاماژە بەوەشکراوە  "داوا لەهەموو لایەک دەکەین کە ئەم رێگایە بەکارنەهێنن و رێگای هیران شەقڵاوە لە جیاتی ئەو رێگایە  بەکاربێنن".