مەودا میدیا-

لە ئۆپەراسیۆنێكی تایبەتی سوپای عیراق لە كەركوك، دووكچ رزگاركران كە لەلایەن باندێكەوە رفێندرابوون.

لەوبارەیەوە بەپێی هەواڵێكی سۆمەریە نیوز، سەرچاوەیەك لە ژووری راگەیاندنی فەوجی یەكی سەربە لیوای 61ی سوپای عیراق رایگەیاندووە" هێزێكی ئەو لیوایە  ئۆپەراسیۆنێكیان بەمەبەستی رزگاركردنی دوو كچی رفێندراو ئەنجامداوە، لە ئەنجامدا  دوو كچیان رزگاركردوە و  ئەندامانی باندەكەشیان دەستگیركردوە".

هەر بە وتەی سەرچاوەكە"پەڕاوی لێكۆڵینەوە بۆ ئەندامانی دەستگیركراوی باندەكە كراوەتەوە و بەماددەی 432 لە یاسای سزادانی عیراقی رەوانەی دادگا كراون".

س.ج