مەودا میدیا-

دوای دوو مانگ لە كوشتنی پۆلیسێكی كورد لە شاری كەركوك، ئەمڕۆ شەممە، تاوانباری سەرەكی كوشتنی ئەو پۆلیسە لە شاری بەغدای پایتەختی عیراق دەستگیركرا.

پێش دوو مانگ پۆلیسێكی شاری كەركوك بە ناوی بەهجەت ئەنوەر، لە ناو ئۆتۆمبێلەكەی لە گەڕەكی عەسكەری شارەكە بە سەر بڕدراوی دۆزرایەوە، دوای دوو مانگ لە رووداوەكە تاوانبارەكە دەستگیركرا.

ئەمڕۆ شەممە، توانراوە ئەو تاوانبارە لە شاری بەغدا دەستگیربكرێت و لە بەردەم دادوەر دانی ناوە بە تاوانەكەیدا و لێكۆڵینەوە لە رووداوەكە بەردەوامە و پێشبینی دەكرێت كەسی تر دەستیان لە رووداوەكە هەبێت.

ه،ع