مەودا میدیا-

لاپەڕەی فەرمی عەلی خامنەیی، رابەری باڵای شۆڕشی ئیسلامی ئێرانی لە تۆڕی كۆمەڵایەتیی تویتەر داخرا و بەپێی سەرچاوەكانی هەواڵیش پەیوەندی بە هێرشە مووشەكییەكەی شەوی رابردووی كۆماری ئیسلامیی ئێرانەوە هەیە بۆ سەر هێزەكانی ئەمەریكا لە عیراق و كوردستان.

سایتی ئاڕ تی رووسی بڵاویكردووەتەوە كە "داخستنی لاپەڕەی فەرمی عەلی خامنەیی لە تویتەر بەهۆی هێرشەكانی سوپای وڵاتەكەیەوە بووە بۆ سەر هێزەكانی ئەمەریكا لە عیراق".

ئەوەش هاتووە لەكاتی سەردانیكردنی لاپەڕەی عەلی خامنەییدا نامەیەك دەبینیت كە نووسراوە "ئەم هەژمارە بەشێوەیەكی كاتی راگیراوە".