مەودا میدیا-

لیژنەی سه‌رپه‌رشتیاری پرۆژه‌ی تۆڕی زیرەکى كاره‌بای سلێمانی ئاگاداری دانیشتوانی گەڕەکی  بەختیاری  و دەوبەروی هەردوو قوتابخانەی (دواڕۆژ) و (فیدراڵ)، فیدەری 19 دەکاتەوە کە لە بەیانی ئەمڕۆوە تاوەکو نیوەڕۆ کارەبایان نابێت، بەهۆی بەستنی پێوەری زیرەک بۆیان.

لە ئاگادارینامەیەکدا لیژنەی سه‌رپه‌رشتیاری پرۆژه‌ی تۆڕی زیرەکى كاره‌بای سلێمانی رایگەیاندووە "ئاگاداری دانیشتوانی گەڕەکی ( بەختیاری) دەوبەروی هەردوو قوتابخانەی (دواڕۆژ) و (فیدراڵ) فیدەری 19 ئەمڕۆ پێنجشە‌ممه‌ (13/8/2020) پێوه‌ری زیره‌كی  كاره‌بایان بۆ ده‌به‌سترێت، بۆیە سبەینێ له‌ كاتژمێر (7 ی به‌یانی بۆ 12ى نیوه‌ڕۆ) كاره‌بای نیشتمانییان نابێت، ئه‌وه‌ش له‌ پێناو سه‌لامه‌تی گیانی تیمه‌كانی كاره‌با و هاوڵاتییان خۆیان".

ئاماژە بەوەشکراوە "ئاگاداریشیان دەکەینەوە کە بەستنی پێوەرەکە بێ بەرامبەر و هیچ بڕە پارەیەک لە هاوڵاتی وەرناگیرێت و خەرجییەکەی لەسەر حکومەتە، هەروەها ئاگادارییان دەکەینەوە کە لە پێناو پاراستنی ئامێرەکارەباییەکان ئێوارە پێش لێدانەوەی کارەبا پۆ یەکەمجار هەموو ئامێرەکارەباییەکانیان بکوژێننەوە و دواتر لەدوای یەک هەڵیان بکەنەوە".

س.س