مه‌ودا میدیا-

به‌هۆی وه‌رگه‌ڕانی پاسێكه‌وه‌ له‌ ناوچه‌ی مازه‌نده‌رانی ئێران 20 گیانیان له‌ده‌ستدا و 23 كه‌سی تریش برینداربوون.

به‌پێی زانیارییه‌كانی میدیای ئێران رووداوه‌كه‌ به‌یانی ئه‌مڕۆ روویداوه‌ كاتێك پاسه‌كه‌ له‌گه‌شتێكدا بووه‌ له‌ تاران بۆ شاری كنبدكاوس له‌سنوری پارێزگای مازنده‌ران وه‌رگه‌ڕاوه‌، برینداره‌كان ره‌وانه‌ی نه‌خۆشخانه‌ كراون و لێكڵینه‌وه‌ له‌ رووداوه‌كه‌ ده‌ستی پێكردووه‌.

دوێنێ‌ چوارشه‌ممه‌ 8ی كانوونی دووه‌می 2020 فڕۆكه‌یه‌كی ئۆكرانی به‌ 176 سه‌رنشینه‌وه‌ له‌نزیك فڕۆكه‌خانه‌ی تاران كه‌وته‌ خواره‌وه‌و تێكشكا و هه‌موو سه‌رنشینه‌كانی گیانیان له‌ده‌ستدا.