مه‌ودا میدیا-

كۆمپانیای هێڵی ئاسمانی ئۆكرانیا بڕیاریدا چیتر ئاسمانی ئێران به‌كارنه‌هێنێت بۆ فڕینی فڕۆكه‌كانی، ده‌شڵێت ئه‌و فڕۆكه‌یان له‌ ئێران خراوه‌ته‌ خواره‌وه‌ پێشتر ئاگاداركردنه‌وه‌ی پێنه‌دراوه‌ له‌بوونی مه‌ترسی له‌سه‌ری.

له‌ به‌یاننامه‌یه‌كدا كۆمپانیای هێڵی ئاسمانی ئۆكرانیا رایگه‌یاند" له‌مه‌ودا فڕۆكه‌كانیان ئاسمانی ئێران بۆ گه‌شته‌كانیان به‌كارناهێنن، ئه‌وه‌ش به‌هۆی خستنه‌ خواره‌وه‌ی فڕۆكه‌یه‌كی وڵاته‌كه‌یان دێت له‌لایه‌ن ئێرانه‌وه‌".

رۆژی 8ی ئه‌م مانگه‌ فڕۆكه‌یه‌كی ئۆكرانی به‌ 176 سه‌رنشینه‌وه‌ له‌ تاران كه‌وته‌ خواره‌وه‌، سه‌ره‌تا ده‌سه‌ڵاتدارانی ئێرانی كه‌وتنه‌خواره‌وه‌ی فڕۆكه‌كه‌یان گه‌ڕانده‌وه‌ بۆ كێشه‌ی ته‌كنیكی، ئه‌مڕۆ 11ی كانونی دووه‌می 2020 ده‌سه‌ڵاتدارانی ئێران ئاشكرایانكرد فڕۆكه‌كه‌ به‌ هه‌ڵه‌ له‌لایه‌ن سوپای پاسدارانه‌وه‌ خراوه‌ته‌وه‌ خواره‌وه‌.