مەودا میدیا- سەركۆ جەمال

حكومەتی ڤەنزوێلا رایگەیاند، فڕۆكەیەكی ئەمەریكییان خستووەتە خوارەوە، كە بە شێوەیەكی نایاسایی هاتووەتە ئاسمانی وڵاتەكەیانەوە.

ئەمڕۆ نەستور ریڤەرۆل، وەزیری ناوخۆی ڤەنزوێلا لەسەر تویتەرەكەی خۆی رایگەیاند "سوپای وڵاتەكەی فڕۆكەیەكی ئەمەریكی خستووەتە خوارەوە، كە بانگەشەی ئەوە دەكرێت مادەی هۆشبەری گواستووەتەوە و بە شێوەی نایاسایی هاتووەتە ئاسمانی ویلایەتی زولیای ڤەنزوێلا"‌.

تائێستا ئەمەریكا هیچ كاردانەوەیەكی بەرانبەر ئەم هەواڵە نیشان نەداوە.