مەودا میدیا-
دەستەی حەشدی شەعبی وەڵامی لێدوانەکانی وتەبێژی وەزارەتی ناوخۆی عیراقی دایەوە و رەتیکردەوە ئەو بارەگایانەی داخراون پەیوەندیی بە دەستەکەیانەوە هەبێت.
دەستەی حەشدی شەعبی رایگەیاند “رێکارەکانی داخستن و چاودێریکردنی ئەو شوێنانە لە چوارچێوەی هەڵمەتێکی بەڕێوەبەرایەتیی گشتیی دەزگا ئەمنییەکاندا بووە و هیچ پەیوەندییەکی بە دەستکەیانەوە نییە”.
ئاماژەی بۆ ئەوەشکرد “رێکاری یاسایی و کارگێڕیی بەرانبەر هەر کەسێک دەگرنەبەر کە هەوڵبدات پێگەی حەشدی شەعبی وەک دەرفەت بقۆزێتەوە و ناوی ئەو هێزە بۆ بەرژەوەندیی خۆی بەکاربهێنێت”.
ئەمەش لە کاتێکدایە، ئەمڕۆ میقداد میری، وتەبێژی وەزارەتی ناوخۆی عیراق لە کۆنگرەیەکی رۆژنامەوانیدا رایگەیاند “وەزارەتەکەیان 71 بارەگای وەهمی سەربە حەشدی شەعبی داخستووە”.
ب ح
