مەودا میدیا-

پۆلیسی تاران سەرجەم ئەو هەواڵانە رەتدەکاتەوە کە باس لەوە دەکەن تەقەیان لە خۆپیشاندەران کردبێت.

حوسەین رەحیمی، بەڕێوبەری پۆلیسی تاران رایگەیاند "بەهیچ شێوەیەکی پۆلیسی تاران تەقەیان لە خۆپیشاندەران نەکردووە و ئەو هەواڵانە دوورن لە راستییەوە".

ئاماژەی بەوەشکرد "ئێمە فەرمانمان بە ئەفسەرانمان کردووە کە تەقە لە خۆپیشاندەران نەکەن".

ئەم روونکردنەوەی پۆلیسی تاران دوای ئەوە دێت لە میدیاکاندا چەند گرتە ڤیدیۆیەک بڵاوکرایەوە کە تەقە لە خۆپیشاندەران دەکرێت.