مەودا میدیا- 

وەزیری گواستنەوەی عیراق لە بەیاننامەیەکدا ئاشکرای کرد سبەی دووشەممە گەشتە ئاسمانییەکانی نێوان عیراق و ئێران دەستپێدەکاتەوە، ئاماژەی بەوەشکرد گەشتەکان لە فڕۆکەخانەکانی بەغدا و بەسڕەوە بۆ فڕۆکەخانەکانی تاران و مەشهەد ئەنجام دەدرێت.

ناسر حسێن، وەزیری گواستنەوەی عیراق رایگەیاند "سبەی دووشەممە گەشتە ئاسمانییەکانی نێوان عیراق و ئێران دەستپێدەکاتەوە، هەروەها  ئاماژەی بەوەشکرد گەشتەکان لە فڕۆکەخانەکانی بەغدا و بەسڕەوە بۆ فڕۆکەخانەکانی تاران و مەشهەد ئەنجام دەدرێت وە بە پێچەوانەوە".

ئەمەش لە کاتێکدایە، ئێران لە 25ی ئەیلولی 2020 بڕیاریدا گەشتە ئاسمانییەکانی لەگەڵ عیراق رابگرێت تاوەکو 8ی تشرینی یەکەمی 2020 ئەمڕۆش بڕیاردرا دەست بە گەشتەکان بکرێتەوە بەپێی رێنماییە تەندروستییەکانی وەزارەتی تەندروستی و لیژنەی تەندروستی نیشتیمانیی لە پێناو ئەنجامدانی گەشتێکی تەندروست بۆ هاونیشتیمانیان.

س.س