مەودا میدیا-

بەڕێوەبەرایەتی پۆلیسی پارێزگای سلێمانی دەستگیرکردنی دوو تۆمەتباری راگەیاند بە تۆمەتی دزیکردن کە فرۆشگای دوو هاوڵاتییان بڕیبوو، هەروەها هەردوو تۆمەتبارەکە پێشینەی تاوانیان هەبووە.

لە راگەیەندراوێکدا بەڕێوەبەرایەتی پۆلیسی پارێزگای سلێمانی رایگەیاند "دوای‌ ئه‌وه‌ی‌ رۆژی‌ 14ی‌ 10 ی‌ 2020 دوو هاوڵاتی‌ سكاڵایان له‌ به‌شی‌ پۆلیسی‌ دوكان تۆماركرد كه‌ فرۆشگاكانیان  له ‌سنووری‌ قه‌زاكه‌ بڕدراوه‌و دزییان لێكراوه‌، مه‌فره‌زه‌كانی‌ به‌شی‌ پۆلیسی‌ دوكان لێكۆڵینه‌وه‌كانیان ده‌ستپێكرد و توانرا پاش چه‌ند كاتژمێرێك له‌ رووداوه‌كه‌ یه‌كێك له‌ تۆمه‌تباره‌كان ده‌ستگیربكرێت ".

ئاماژە بەوەشکراوە "لێكۆڵینه‌وه‌كانی‌ پۆلیس بۆ گه‌ڕان به‌دوای‌ تۆمه‌تباره‌كه‌ی‌ تر به‌رده‌وام بوو، تا ئه‌وه‌ی‌ ئه‌مڕۆ به‌ هاوكاری‌ بنكه‌ی‌ پۆلیسی‌ چوارچرا له‌ شاری‌ سلێمانی‌ توانرا ده‌ستگیر بكرێت و له‌كاتی‌ ده‌ستگیركردنیشیدا ده‌ستگیرا به‌سه‌ر بڕێك ماده‌ی‌ هۆشبه‌ر كه‌ به‌ تۆمه‌تبار بوو".

لە راگەیەندراوەکەدا هاتووە "له‌ ئێستادا تۆمه‌تباران (ه ، ح ، م  له‌دایكبووی‌ 1990 و ب ، س ، م له‌دایكبووی‌ 2000 ) كه‌ پێشینه‌ی‌ تاوانیشیان هه‌یه‌ به‌فه‌رمانی‌ دادوه‌ر راگیراون و لێكۆڵینه‌وه‌ له‌گه‌ڵیان به‌رده‌وامه‌".

س.س