مەودا میدیا – کاروان نوری

سه‌رۆكی حكومه‌تی هه‌رێمی كوردستان رایگه‌یاند "وەبەرهێنان لە 42 پڕۆژه‌ی نیشته‌جێبوون له‌ هه‌رێمی كوردستان دەکەین، به‌ بڕی 332 ملیۆن دۆلار".

شەوی رابردوو مه‌سرور بارزانی، سەرۆکی حکومەتی هه‌رێمی كوردستان، له‌ هه‌ژماری فەرمیی خۆی له‌ تویته‌ر، ئاشکرایکرد "حکومەت دەیەوێت نرخی یەکەی نیشتەجێبوون گونجاو بێت بۆ ئەوانەی یەکەمجارە یەکەی نیشتەجێبوون دەکڕن".

ئەوەشی خستووەتەڕوو "ژمارەی ئەو پڕۆژانەی کە جێبەجێ دەکرێت 42 پرۆژەی نیشتەجێبوونە بە بوودجەی 332 ملیۆن دۆلار، وەبەرهێنان دەکەین لە پڕۆژەی نیشتەجێبوون لە سەرتاسەری هەرێمی کوردستان".

ک.ن