مەودا میدیا - کاروان نوری

دوای ئەوەی وەزارەتی خوێندنی باڵا و توێژینه‌ی زانستیی هەرێمی کوردستان بڕیاریدا بە كەمكردنەوەی كرێی خوێندنی ئێواران و پارالێڵ، ئەمڕۆ زانكۆی پۆلیتەكنیكی سلێمانی كرێی خوێندنی ئێواران و پارالێڵی به‌ڕێژه‌ی 45% دا‌به‌زاند.

ئەنجوومەنی زانکۆی پۆلیتەکنیکی سلێمانی بڵاویکردووەتەوە "لە پێناو بەرژەوەندی گشتی خوێندکاران و کەسوکاریان و بە رەچاوکردنی دۆخی دارایی، کرێی خوێندنی پارالێڵ و ئێوارانی پەسەندکردووە".
 
هاوکات وەزارەتی خوێندنی باڵا و توێژینه‌ی زانستیی هەرێمی کوردستان بڕیاری دابوو بە كەمكردنەوەی كرێی خوێندنی ئێواران و پارالێڵ لە زانكۆ و پەیمانگا حكومییەكان بە ڕێژەی 45% بۆ ئەوەی زۆرترین خوێندكارانی دەرچووی 12ی ئامادەیی توانای  وەرگرتن و خوێندیان هەبێت.