مه‌ودا میدیا-

هه‌واڵگری هه‌ریه‌ك له‌ توركیا و سوریا و روسیا له‌ مۆسكۆ تاوتوێی هێرشكردنه‌ سه‌ر رۆژئاوای كوردستان ده‌كه‌ن، سه‌رچاوه‌كانی هه‌واڵ كۆبوونه‌وه‌كه‌ به‌هه‌ستیار داده‌نێن و باس له‌وه‌ ده‌كه‌ن ماوه‌ی چه‌ند ساڵێكه‌ كۆبوونه‌وه‌ی له‌م شێوه‌یه‌ ئه‌نجام نه‌دراوه‌ له‌نێوان ئه‌م 3 وڵاته‌.

سه‌رچاوه‌كانی هه‌واڵ بڵاویانكردووه‌ته‌وه‌ كۆبوونه‌وه‌یه‌كی 3 قۆڵی له‌نێوان به‌رپرسانی باڵای هه‌واڵگری توركیا و سوریا و رووسیا له‌ مۆسكۆ به‌ڕێوه‌چووه‌ به‌ ئامانجی ئه‌نجامدانی ئۆپه‌راسیۆنێكی هاوبه‌ش بۆسه‌ر خۆرهه‌ڵاتی فورات.

به‌پێی سه‌رچاوه‌كانی هه‌واڵ عه‌لی مه‌ملوك، سه‌رۆكی نووسینگه‌ی ئاسایشی نیشتمانی سوریا و هاكان فیدان، سه‌رۆكی ده‌زگای هه‌واڵگری توركیا له‌ كۆبوونه‌وه‌كه‌دا به‌شداربوون.