مەودا میدیا-

وه‌زاره‌تی دارایی و ئابووری حکومەتی هەرێمی کوردستان رایگەیاند له‌ ژێر رۆشنایی نووسراومان ژماره‌ (274 له‌ 23/6/2020) سه‌رۆكایه‌تی ئه‌نجومه‌نی وه‌زیران به‌ نووسراوی ژماره‌ (6206 له‌ 18/10/2020) رە‌زامه‌ندی دا لەسەر:

1- به‌ لێخۆشبوون له‌ هه‌موو ئه‌و سزاو سودانه‌ی له‌سه‌ر باجده‌ران و قه‌رزه‌كانی خانووبه‌ره‌ی میرین، به‌مه‌رجێك تا 31/12/2020 هه‌موو ئه‌و باجانه‌ی له‌سه‌ریانه‌ پاكتاوی بكه‌ن.

2- تایبه‌ت به‌و كۆمپانیا و شوێنه‌ بازرگانیانه‌ی كه‌ قه‌رزی ئاسانكاریان لایه‌، ده‌كرێت وه‌ به‌رخستن (مقاسه‌) یان بۆ بكرێت به‌ رامبه‌ر ئه‌و قه‌رزانه‌ی لای حكومه‌تی هه‌رێمی كوردستانه‌، به‌ مه‌رجێك چه‌كه‌كانیان به‌رامبه‌ر ئه‌نجامدانی پڕۆژه‌ له‌ لایه‌ن حكومه‌تی هه‌رێمی كوردستان پێدرابێت.

س.س