مەودا میدیا - کاروان نوری

بەرپرسی دەزگای هەڵبژاردنی پارتی دیموکراتی کوردستان راگەیاند "لەگەڵ یەکێتیی نیشتمانی کوردستان گەیشتونەتە رێککەوتن لەبارەی بازنەکانی هەڵبژاردن".

خەسرۆ گۆران، بەرپرسی دەزگای هەڵبژاردنی پارتی دیموکراتی کوردستان بە رووداوی راگەیاند "لەگەڵ یەکێتیی نیشتمانی کوردستان گەیشتونەتە رێککەوتن لەبارەی بازنەکانی هەڵبژاردن لە پارێزگاکانی کەرکوک و موسڵ".

ئەوەشی خستەڕوو "هەوڵدەدەن رێگریی لە ستەمکردن لە کوردی کەرکوک بکەن"، هاوکات رۆژی شەممە 24-10-2020 پەرلەمانی عێراق بازنەکانی هەڵبژاردنی 16 پارێزگای جگە لە کەرکوک و موسڵ پەسه‌ندکرد و به‌نیازیشه‌ بۆ یەکلاییکردنەوەی بازنەکانی هەڵبژاردن لە سنوری پارێزگای کەرکوک و نەینەوا رۆژی دووشه‌ممه‌ کۆببێتەوە.