مەودا میدیا-

بەڕێوەبەرایەتی گشتیی نەهێشتنی مادە هۆشبەرەکان دەستگیرکردنی دوو تۆمەتباری راگەیاند لە شاری هەولێر بە تۆمەتی بەکارهێنانی مادەی هۆشبەر، هەروەها دەستیش بەسەر دوو دەمانچەدا گیراوە.

لە راگەیەندراوەکەدا هاتووە "ئەمڕۆ رێکەوتی 27ی تشرینی یەکەمی 2020 لەچالاکییەکدا لەلایەن هێزەکانی بەڕێوەبەرایەتی گشتی نەهێشتنی مادە هۆشبەرەکان لە شاری هەولێر توانرا دوو تۆمەتبار دەستگیر بکرێت بە ناوەکانی ( ب ـ س ـ ح ) و ( س ـ أ ـ م )".

ئاماژە بەوەشکراوە "ئەو دوو کەسە بڕی ( 244 گرام کریستاڵ ,  200 گرام هێرۆین , 33 گرام جامایکا 200 گرام حەشیش, 20 دەنك ) حەبی هۆشبەری سۆمادرین)یان پێبووە، هەروەها  تەرازوویەکی کێشانی مادەی هۆشبەر و  دوو دەمانچە و یەك غەدارە دەستی بەسەردا گیراوە".

س.س