مەودا میدیا - کاروان نوری

ئەمڕۆ ئەنجومەنی وەزیران بۆ گفتوگۆکردن لەسەر هەردوو رەشنوسی (پەیڕەوی ئیمتیازەكانی زیندانیكراو و گیراوانی سیاسی) و (پەیڕەوی دیاریكردنی ماف و ئیمتیازەكانی میراتگرانی شەهیدان) کۆدەبێتەوە.

ئەمڕۆ چوارشەممە (28-10-2020)، فەرمانگەی میدیا و زانیاری هەرێمی کوردستان بڵاویکردووەتەوە "ئەنجومەنی وەزیران لە چوارچێوەی جێبەجێکردنی یاسای چاکسازی کۆدەبێتەوە و هەردوو رەشنوسی (پەیڕەوی ئیمتیازەكانی زیندانیكراو و گیراوانی سیاسی) و (پەیڕەوی دیاریكردنی ماف و ئیمتیازەكانی میراتگرانی شەهیدان) تاوتوێ دەکات".

ئەوەش ئاشکراکراوە "راپۆرتی تایبەت بە جینۆسایدی تاوانەكانی داعش لە ناوچە كوردستانییەكانی دەرەوەی ئیدارەی هەرێمی کوردستان لە کۆبوونەوەی ئەمڕۆی ئەنجومەنی وەزیراندا گفتوگۆی لەسەر دەکرێت".

ک.ن