مەودا میدیا - کاروان نوری
 
نرخی نەوت لە بازاڕەکاندا جارێکی دیکە نزمبوونەوەیەکی کەمی بەخۆیەوە بینی، لەکاتێکدا ماوەیەکی زۆرە بەهۆی ڤایرۆسی کۆرۆناوە نرخی نەوت بە بەردەوامی لە ئاستێکی نزمدایە.
    
بەپێی ئەو نرخانەی ئەمڕۆ پێنجشەممە (29-10-2020) بڵاوکراوەتەوە، بەیانی ئەمڕۆ نرخی نەوتی برێنت 39 دۆلار و 17 سەنتە، بەمەش نرخی نەوت لەچاو رۆژی رابردوو بە ئاستێکی کەم نزمبووەوە.
    
هەروەها، نرخی نەوتی خاوی ئەمەریکی بە 37 دۆلار و 53 سەنتە، نزمبوونەوەی نرخی نەوت دوای ئەوە دێت 20ی نيسانی ئەمساڵ، نرخی نەوتی خاوی ئەمەريکی بۆ يەکەمجار لە مێژوودا بۆ 37 دۆلار لە خوار سفرەوە دابەزی.

ک.ن