عیراقی
په‌رله‌مانی عیراق بازنەکانی هەڵبژاردنی لە کەرکوک پەسەندکرد
مەودا میدیا - سلێمانی |
مەودا میدیا – کاروان نوری
لە بەرەبەیانیدا پەرلەمانی عیراق بازنەكانی شاری كەركوکی بۆ ھەڵبژاردن پەسندکرد، کە لە 12 کورسی پێکهاتووە و بەسەر سێ بازنەی ھەڵبژاردندا دابەشکراوە.
ئەمڕۆ پێنجشەممە (29-10-2020)، لە بەرەبەیانیدا پەرلەمانی عیراق بازنەكانی شاری كەركوکی بۆ ھەڵبژاردن پەسندکرد، کە لە 12 کورسی پێکهاتووە و بەسەر سێ بازنەی ھەڵبژاردندا دابەشکراوە.
بەپێی ئەو دابەشکردنەی کە لە خشتەیەکدا بڵاوکراوەتەوە، كەركوک بەسەر سێ بازنەی ھەڵبژاردندا دابەشدەكرێت، کە رۆژهەڵاتی قەزای ناوەند پێنج کورسی دەبێت، قەزای ناوەندی کەرکوکیش چوار کورسی دەبێت، شارەکانی حەویجە و ریازیش سێ کورسی دەبێت.
لە چەند رۆژی رابردوودا پەرلەمان بازنەکانی هەڵبژاردنی شارەکانی دیکەی عیراقی پەسەندکرد، هاوکات بڕیارە لە 6ی حوزەیرانی ساڵی داهاتوودا، هەڵبژاردنە پێشوەختەکەی عیراق بەڕێوەبچێت.
ک.ن
بیروڕا
