مەودا میدیا - کاروان نوری

وەزارەتی خوێندنی باڵا ئەنجامى وەرگرتنى دەرچووانى 12ی ئامادەیى لە زانکۆ و پەیمانگەکانى هەرێمى کوردستان بۆ ساڵی خوێندنی 2019–  2020 راگەیاند.
 

بەگوێرەی راگەیەنراوی وەزارەتی خوێندنی باڵا، بە بەكارهێنانی هەمان ناوى بەکارهێنەر و وشەى تێپەڕ، كە پێشتر فۆڕمەکانیان پێ‌ پڕكراوەتەوە دەتوانن ئەو شوێنە بدۆزنەوە كە لێیی وەرگیراون.

وەزارەتی خوێندنی باڵای هەرێمی کوردستان پێشتر بڵاویکردەوە، لە کۆی 54 هەزار و 296 داوای وەرگیران لە زانکۆ و پەیمانگەکان، ئەمساڵ 47 هەزار و 178 خوێندکار وەرگیراون کە دەکاتە 87%ی ئەو کەسانەی داوایان پێشکەشکردووە.

ک.ن