مەودا میدیا-

ئاسایشی گەرمیان دەستگیرکردنی چوار تۆمەتباری راگەیاند بە تۆمەتی ئەوەی (200) پارچە حەبی جۆری(ترامادۆل)یان پێبووە، هەر چوار تۆمەتبارەکە بە پێی ماددەی(14)ی هۆشبەرەکان راگیراون.

لە راگەیەندراوەکەدا هاتووە "رۆژی26/10/2020 لە لایەن هێزەکانی  بنکەی ئاسایشی مەرزی پەروێزخانی نێودەوڵەتی سەر بە بەرێوەبەرایەتی ئاسایشی گەرمیان توانرا لە کاتی پشکنیندا دەست بگیرێت بە سەر(200)پارچە حەپی جۆری(ترامادۆڵ)دا کە جۆرە حەپێکی هۆشبەرەو بە پێی یاسا بە بێ رەچەتەی پزیشکی تایبەت مامەڵە و بەکارهێنانی قەدەغە کراوە,هەروەها توانرا(4)چوار تۆمەتباریش کە لە خوارەوە ئاماژە بەناوەکانیان دراوە بە گومانی تێوەگلانیان بە مامەڵەکردن بەو حەپانەوە دەستگیربکرێن و ڕووبەڕووی دادگا بکرێنەوە".

ناوی تۆمەتبارەکان

1/ف س ک، لەدایکبووی (1981)بەڕەگەز کورد دانیشتووی قەزای کەلار.
2/ا  ر  م ، لەدایکبووی (1967)بەڕەگەز کورد دانیشتووی قەزای کەلار.
3/ع  ح  ف، لەدایکبووی (1984) بەڕەگەز کورد دانیشتووی قەزای کەلار.
4/ع  خ  ه، لە دایکبووی (1976) بەڕەگەز عەرەب و دانیشتووی بەغدا.

هەروەها لە راگەیەندراوەکەدا ئاماژە بەوەشکراوە "هەر چوار تۆمەتبارەکە بە پێی ماددەی(14)ی هۆشبەرەکان ڕاگیراون و لێکۆڵینەوەش بەردەوامە".

س.س