مەودا میدیا-

کۆمەڵێک پەرلەمانتاری کوردستان بانگێشتی وەزیری ناخۆی هەرێم دەکەن بۆ پەرلەمان،پەرلەمانتارێکیش باس لەوە دەکات مەبەستیانە حکومەت کەیسەکان بەلاریدا نەبات.

 ١٦ پەرلەمانتار داوای دانیشتێکی تایبەت بە دەستگیرکردنی رۆژنامەنووسان و چالاکانی مەدەنی دەکەن لەلایەن هێزە ئەمنییەکانی هەولێر و دهۆەوە  شێرکۆ جەودەت، پەرلەمانتاری یەکگرتوو کە یەکێکە لەو پەرلەمانتارانەی واژۆی کردووە بە مەودا میدیای راگەیاند "مەبەستمانە حکومەت کەیسەکان بەلاریدا نەبات و دادپەروەریان تێدابێت".

ئاماژەی بەوەش دەکات "دەبێت حکومەت ئەو کەیسانە بەشێوەیەکی شەفاف بەڕێوەبەرێت و وردبینی تەواوی تێدا بکرێت و عەمدی نەبن زۆر کات بووە کەیس بەلارێدا براوە و شتی زیادەی بۆ زیادکراوە".

لە یاداشتەکەی ئەو ١٦ پەرلەمانتارەدا بۆ سەرۆکایەتی پەرلەمان، داوا دەکرێت پەرلەمانی کوردستان کۆبوونەوەیەکی تایبەت بە دەستگیرکردنی ژمارەیەک رۆژنامەنوس و چالاکوانی مەدەنی دەکەن کە ماوەیەکە هێزە ئەمنییەکانی هەولێر و دهۆک دەستیان داوەتێ و بەشێک لەو رۆژنامەنووس و چالاکوانانە زیاتر لە مانگێکە بەبێ بوونی هیچ تاوانێک دەستگیرکراون.

ک.ر