مەودا میدیا-

وەزیری گەنجینەی ئەمریکا رایدەگەیەنێت به‌م زووانە سزایێكی به‌كۆمه‌ڵی نێوده‌وڵه‌تی به‌سه‌ر ئێراندا ده‌سه‌پێنرێت.

ستیڤن منوچین، وه‌زیری گه‌نجینه‌ی ئه‌مه‌ریكا له‌ لێدوانێكدا بۆ كه‌ناڵی "سی ئێن بی سی"  رایگەیاندووە‌ "واشنتن له‌و باوه‌ڕه‌دایه‌، دوای ئه‌وه‌ی هه‌ریه‌ك له‌ فه‌ره‌نسا، به‌ریتانیا و ئه‌ڵمانیا له‌باره‌ی رێككه‌وتنی ئه‌تۆمی ئێران رای خۆیان خسته‌ پاڵ هه‌ڵوێستی ئه‌مه‌ریكا، به‌م نزیكانه سزایێكی به‌كۆمه‌ڵی نێوده‌وڵه‌تی به‌سه‌ر ئێراندا ده‌سه‌پێنن".‌

وتوشیەتی "لەگەڵ مایک پۆمپیۆ، وه‌زیری ده‌ره‌وه‌ی وڵاته‌كه‌ی گفتوگۆی راسته‌وخۆیان له‌باره‌ی ئه‌م پرسه‌ له‌گه‌ڵ هاوتاكانیان له‌و سێ وڵاته‌ ئه‌وروپییه‌ ئەنجام داوە"‌.

ئاماژه‌ی به‌وه‌شدا "هه‌موو لایه‌ك به‌یاننامه‌ی هه‌رسێ وڵاته‌ ئه‌وروپییه‌كه‌یان بۆ نه‌هێشتنی ناكۆكییه‌كانیان له‌سه‌ر رێككه‌وتنی ئه‌تۆمی بینیوه‌ و چاوه‌ڕێ ده‌كه‌ین به‌ زووترین كات ده‌ست به‌كاری هاوبه‌ش بكه‌ین".

سەرچاوە: ئاژانسی هەواڵی رۆیتەرز