مەودا میدیا - کاروان نوری

بەڕێوەبەری راگەیاندن و رۆشنبیری وەزارەتی پێشمەرگە رایگەیاندووە، پەكەكە بۆمبێكی لە ناحیەی چەمانكێ دانابووەوە و بە ھێزی پێشمەرگەدا تەقیەوە و بەهۆی بۆمبەکەوە، دوو ئەفسەر و جێگری ئەفسەرێك بریندار بوون .

بابەكر فەقێ ئەحمەد، بەڕێوەبەری راگەیاندن و رۆشنبیری وەزارەتی پێشمەرگە بە ماڵپەڕی فەرمیی پارتی راگەیاندووە "پەكەكە بۆمبێكی لە ناحیەی چەمانكێ دانابووەوە و بە ھێزی پێشمەرگەدا تەقیوەتەوە و ھێرشی راستەوخۆ نەبووە".

ئەوەشی خستووەتەڕوو "بەهۆی بۆمبەکەوە، دوو ئەفسەر و جێگری ئەفسەرێك بریندار بوون و پەكەكە لە دوورەوە تەقەیان لە ھێزی پێشمەرگە کردووە، ھێرشی راستەوخۆ نەبووە وەك ھێرشكردن بۆ سەر ھێزی پێشمەرگە".

ئەمە لە کاتێکدایە پێش نیوەڕۆی‌ ئەمڕۆ سیشەممە، شەڕ و پێکدادان لە نێوان هێزەکانی پێشمەرگە و پەکەکە لە ناحیە چەمانکێ سنوری‌ ئامێدی‌  روویدا.

ک.ن