مەودا میدیا - کاروان نوری

بەڕێوەبەرایەتی گشتیی کەشناسیی هەرێمی کوردستان، پێشبینییەکانی کەشوهەوای ئەمڕۆ و سبەینێی بڵاوکردەوە و بەگوێرەی پێشبینییەکان، بارانبارین دەستپێدەکاتەوە و لە هەندێک ناوچەش ئەگەری بەفر بارین هەیە.

بەپێی پێشبینییەکانی کەشناسیی، پاشنیوەڕۆی ئەمڕۆ هەینی شەپۆلێکی بارانبارین سەرجەم پارێزگاکان دەگرێتەوە و لەهەندێک ناوچەی پارێزگای هەولێر و دهۆک ئەگەری بەفربارین هەیە.

ئەمە لە کاتێکدایە بەگوێرەی پێشبینییەکان، لە هەولێر و دهۆک ئێواری سبەینێ شەممە کەشوهەوا ئاسایی دەبێتەوە بەڵام کاریگەری ئەم شەپۆلە لە سلێمانی و کەرکوک بەردەوامی دەبێت.

ک.ن