مەودا میدیا- سازگار ئەحمەد

شەوی رابردوو لە پارێزگای دهۆک ژنێک لە ماڵەکەی خۆیدا بەهۆی تەزووی کارەباوە گیانی لەدەستدا، ، وتەبێژی پۆلیسی دهۆکیش رایدەگەیەنێت لێکۆڵینەوە لە رووداوەکە دەستیپێکردووە.

هێمن سلێمان، وتەبێژی پۆلیسی دهۆک بە مەودا میدیای راگەیاند "شەوی رابردوو ژنێک لە ماڵەکەی خۆیدا دوای ئەوەی تەزووی کارەبا لێیدەدات پێش گەیاندنی بە نەخۆشخانە گیانلەدەستدەدات".

وتەبێژی پۆلیسی دهۆک ئەوەشی خستەڕوو "ئەو ژنەی گیانی لەدەستداوە ناوی (سۆز عومەر)ە، هەروەها لێکۆڵینەوە لە رووداوەکە دەستیپێکردووە".

س.س