مەودا میدیا- سازگار ئەحمەود

نیوەڕۆی ئەمڕۆ لە قەزای رەواندز پیاوێک کە پیشەی مامۆستایە کۆتایی بە ژیانی خۆی هێنا، بەپێی لێکۆڵینەوە سەرەتاییەکان بێت رووداوەکە خۆکوژییە و لێکۆڵینەوەی زیاتر لە رووداوەکە دەکرێت.

شەماڵ دێواری، وتەبێژی پۆلیسی سۆران بە مەودا میدیای راگەیاند "نیوەڕۆی ئەمڕۆ کاتژمێر 12:15 خولەک پۆلیسی رواندز ئاگادار كرایەوە بە بوونی رووداوێكی مردن لە رواندز، هاوڵاتییەک بەناوی (ح س م) لەدایكبووی 1986 پیشە مامۆستا لە ژوورێكی بەخێوكردنی پەلەوەر لە نزیك ماڵی خۆی دۆزراوەتەوە لەگەل چەكێکی جۆری كلاشینكۆف".

ئاماژەی بەوەشکرد "لەسەر فەرمانی دادوەر تەرمەكە رەوانەی پزیشكی دادی كرا لە نەخۆشخانەی ئاشتی لە سۆران، هەروەها بەپێی لێكۆلێنەوە سەرەتاییەكان گومان دەكرێت روداوەكە خۆكوژی بێت، بەلام پۆلیس لێکۆڵینەوەکانی بەردەوامە لە کەیسەکە".

س.س