مەودا میدیا-
 
بەڕێوەبەری رێگەوبانی سەقز رایدەگەیەنێت بەفرێکی زۆر لە بەشێک لە ناوچەکانی سەقز باریوە، ئاماژەی بەوەشکرد بەهۆی بەفرەوە رێگەکانی  سەقز - دیواندەرە و سەقز - بانە داخراون.

مەحمود رۆحانی زادە، بەڕێوەبەری رێگەوبانی سەقز بە ئاژانسی میهری راگەیاندووە "بەفرێکی زۆر لە بەشێک لە ناوچەکانی سەقز باریوە، بەو هۆیەشەوە بەشێک لە رێگەکان گیراون".

ئەوەشی خستووەتەڕوو "بەهۆی بەفرەوە رێگەکانی  سەقز - دیواندەرە و بانە- بۆکان مەریوان داخراون، لە ئێستادا تیمەکانمان سەرقاڵی پاککردنەوەی شەقامەکانن"، ئەوەشی ئاشکرا کردووە "بارینی بەفر لە هەندێک ناوچە گەییشتووەتە 80 سانتی مەتر".

س.س