مەودا میدیا-

بەڕێوەبەرایەتى هاتوچۆى هەڵەبجە ئاگاداری شۆفێران دەکاتەوە کە لە رێگەی دووسایدی هەڵەبجە - سەیدسادق تەمێکی چڕ هەیە و داواکارن بە وریاییەوە شۆفێران شۆفێرى بکەن.

لە راگەیەندراوێکدا بەڕێوەبەرایەتى هاتوچۆى هەڵەبجە رایگەیاند "ئاگاداری شۆفێران دەکەینەوە، کە لە ناوچەی شارەزوور و بە تایبەت لە رێگەی دووسایدی هەڵەبجە - سەیدسادق تەمێکی چڕ هەیە و ئاستی بینین کەمە، بۆیە پێویستە بە وریاییەوە شۆفێران شۆفێری بکەن."

هەروەها ئاماژە بەوەشکراوە "داواکارن لە شۆفێران رێنماییەکانی هاتوچۆ جێبەجێ بکەن و خێرایی ئۆتۆمبێلەکانیان دابەزێنن بۆ خوار خێرایی رێگەپێدراو".

س.س