مەودا میدیا - کاروان نوری

به‌ڕێوه‌به‌ری دابه‌شكردنی خۆراك له‌ سلێمانی رایگه‌یاند، دابه‌شكردنی به‌شه‌ خۆراكی مانگانه‌ به‌رده‌وامه‌ و له‌ رێگه‌ی بریكاره‌كانی خۆراكه‌وه، ‌شه‌كر و زەیتی مانگی پێنجی ئه‌مساڵ دابه‌ش ده‌كه‌ن.

شه‌وكه‌ت محه‌مه‌د، به‌ڕێوه‌به‌ری لقی سلێمانی كۆمپانیای دابه‌شكردنی خۆراك به‌ مەودا میدیای راگەیاند "له‌ ئێستادا له‌ رێگه‌ی بریكاره‌كانی خۆراكه‌وه، ‌شه‌كر و زەیتی مانگی پێنجی ئه‌مساڵ دابه‌ش ده‌كەین، دوای ئەوەی کە پشکنینیان بۆ کرا".
 
له‌ باره‌ی ئه‌وه‌ی كه‌ ئایا له‌م ساڵدا هیچ بڕه‌ خۆراكێكی تر دابه‌ش ده‌كرێت شه‌وكه‌ت محه‌مه‌د، ئاماژەی بۆ ئەوە کرد "له‌مساڵدا ته‌نیا خۆراكی سێ مانگ دابه‌شكراوه‌ بەڵام ئومێدمان هەیە خۆراكی مانگی ته‌مموزی ئه‌مساڵش دابه‌ش بكرێت".