مەودا میدیا - کاروان نوری

بەپێی ئەنجامی توێژینەوەیەکی ئەمەریکی، زیادەڕۆییکردن لە وەرزش، زیان بە تەندروستیی مێشک دەگەیەنێت و دەبێت رۆژانە یاخود هەفتەی سێ جار وەرزش بکرێت.

ماڵپەڕی لەها مەگەزین بڵایکردووتەوە، ئەنجامی توێژینەوەیەکی ئەمەریکی دەریخستووە، زیادەڕۆییکردن لە وەرزش، زیان بە تەندروستیی مێشک دەگەیەنێت و مەترسی هەیە.

توێژینەوەکە لەسەر ملیۆنێک و 200 هەزار کەس ئەنجامدراوە و تێیدا لە مانگێکدا زیاتر لە 23 جار وەرزشیان کردووە بۆ ماوەی 90 خولەک، دواتر ئەنجامەکەی دەرکەوتووە دەروونیان ماندوو بووە و مێشکیان گرفتی تەندروستی بۆ دروستبووە.
 
توێژەران رێنمایی دەدەن کە رۆژانە یاخود هەفتەی سێ جار وەرزش بکرێت بەڵام بۆ ماوەی 30 بۆ 60 خولەک و دەبێت جەستەش پشوو وەربگرێت.