مەودا میدیا-

بڕیارە ئەمڕۆ شاندی باڵای حکومەتی هەرێمی کوردستان لەگەڵ سەرۆک کۆمار و سەرۆک وەزیرانی عیراق و سەرۆکی ئەنجومەنی نوێنەران کۆبێتەوە، بۆ ئەوەی بڕیاری یەکلاکەرەوە بدەن لەبارەی بودجەی ساڵی 2021ی عیراق.

بەپێی زانیارییەکانی مەودا میدیا، ئەمڕۆ شەممە 12ی کانونی یەکەمی 2020 قوباد تاڵەبانی، جێگری سەرۆکی حکومەتی هەرێمی کوردستان و سەرۆکی شاندی دانوستانکاری هەرێم لە بەغدا لەگەڵ بەرهەم ساڵح، سەرۆک کۆماری عیراق و مستەفا کازمی، سەرۆک وەزیرانی عیراق و محەمەد حەلبوسی، سەرۆکی ئەنجومەنی نوێنەرانی عیراق کۆبێتەوە، هەروەها بڕیارە ژمارەیەک ئەندامی ئەنجومەنی نوێنەران و لیژنەی دارایی و وەزیری دارایی عیراق لە کۆبوونەوەکە ئامادەبن.

هەربەپێی زانیارییەکانی مەودا میدیا، لەو کۆبوونەوەیەدا تاوتوێی بودجەی ساڵی 2021ی عیراق و بەشە بودجەی هەرێمی کوردستان لە بودجەی ساڵی 2021 دەکرێت و بڕیاری یەکلاکەرەوە دەدرێت.

س.س