مەودا میدیا - کاروان نوری 

له‌رزین یه‌کێکه‌ له‌ حاڵه‌ته‌ باوه‌کانی کۆئه‌ندامی ده‌مار، ره‌نگه‌ بۆ ماوه‌یه‌کی کاتی بێت یا ببێته‌ دیارده‌یه‌کی درێژخایه‌ن، سه‌ره‌تا ته‌نها ده‌ست ده‌له‌رزێت به‌ڵام ره‌نگه‌ دواتر سه‌ر و قاچ و شوێنه‌کانی تری جه‌سته‌ بگرێتەوە. 

گرنگترین هۆکاره‌کانی:

1- هۆکاری بۆماوه‌یی: به‌ بۆنه‌ی تێکچوونێک له‌ جینه‌کانه‌وه‌ روو ده‌دات و نه‌خۆشی نییه‌ و ئه‌گه‌ر یه‌کێک له‌ دایک یان باوک هه‌بێت، مناڵه‌کانیان ئه‌گه‌ر یان زیاتره‌ تووشبن.

2- تووشبوون به‌ نه‌خۆشی غووده‌ی سام یان ژه‌هراوی.

3- که‌می ڤیتامین b12.

4- نه‌خۆشی پارکنسۆن.

5- دابه‌زینی ئاستی شه‌کر له‌ ناو خوێن.

6- سستی و تێکچوون و له‌ناوچوونی ده‌ماره‌کان: هۆکاری زۆره‌ وه‌ک نه‌خۆشی شه‌کره، جه‌ڵته‌ی مێشک، ژه‌هراو بوون به‌ ڤیتامین b12، هتد.

7- نه‌خۆشی ره‌قبوونی شانه‌ و خانه‌ جیاوازه‌کان multiple sclerosis.

8- به‌کارهێنانی هه‌ندێ ده‌رمان که‌ مادده‌ی دۆپامینیان تێدایه‌.

9- فشاری ده‌روونی یان جه‌سته‌یی زۆر و دڵه‌ڕاوکێی به‌رده‌وام.

10- خواردنه‌وه‌ی بڕێکی زۆر له‌و خواردنه‌وانه‌ی مادده‌ی کاڤایینان تێدایه‌ وه‌ک چا و قاوه‌.