مه‌ودا میدیا-

بڕیاربوو ئه‌مڕۆ یه‌كشه‌ممه‌ ئه‌نجومه‌نی نوێنه‌رانی عیراق كۆببێته‌وه‌ بۆ گفتوگۆكردن و ده‌نگدان له‌سه‌ر چه‌ند پرۆژه‌ یاسایه‌ك به‌ڵام به‌هۆی ته‌واونه‌بوونی رێژه‌ی یاسایی ئه‌ندامانی ئه‌نجومه‌نی نوێنه‌ران سه‌رۆكایه‌تی ئه‌نجومه‌نی نوێنه‌ران، به‌رنامه‌ی دانیشتنه‌كه‌ی گۆڕی بۆ گفتوگۆ و تاوتوێی چه‌ند بابه‌تێك.

به‌رنامه‌ی كاری دانیشتنی ئه‌مڕۆی ئه‌نجومه‌نی نوێنه‌رانی عیراق كه‌ بۆ خوێندنه‌وه‌ و ده‌نگدان بوو له‌سه‌ر چه‌ند پرۆژه‌ یاسایه‌ك، شكستی هێنا به‌هۆی ئه‌وه‌ی رێژه‌ی یاسایی ئه‌ندامانی ئه‌نجومه‌نی نوێنه‌ران ئاماده‌ی دانیشتنه‌كه‌ نه‌بوون، له‌ كۆی 329 ئه‌ندامی ئه‌نجومه‌نی نوێنه‌ران 74 ئه‌ندام ئاماده‌ی دانیشتنه‌كه‌بوون.

سه‌رۆكایه‌تی ئه‌نجومه‌نی نوێنه‌رانی عیراق بڕیاریدا به‌رنامه‌ی كاری دانیشتنی ئه‌مڕۆ دوابخات بۆ رۆژی چوارشه‌ممه‌ی داهاتوو.